ҚазАгроҚаржы 18 қазанда сағат 10.00-ден бастап ауыл шаруашылығы техникасын сатып алу үшін "Жеңілдікті лизинг" бағдарламасы бойынша өтінімдерді қабылдауды бастайды. Осы бағдарламаны іске асыруға компания 25 млрд теңге бөледі. Бұл туралы ҚАҚ баспасөз қызметі хабарлады.
Өтінімдерді қабылдау үшін ҚазАгроҚаржы Telegram bot-та электрондық кезек қалыптастырылады. Ауыл шаруашылығы өндірушілеріне Telegram bot-қа өтінім берген күннен бастап бес жұмыс күні ішінде ҚАҚ филиалына құжаттардың толық пакетін ұсыну қажет болады. Құжаттар тізімі мен нысандары осында орналастырылған.
"Жеңілдікті лизинг" бағдарламасы отандық өндірістің/құрастырудың өздігінен жүретін техникасын сатып алуды қаржыландыруға бағытталған. Бағдарламаның шарттары мынадай: мөлшерлеме-жылдық 6%; лизинг мерзімі - 10 жылға дейін; аванс - лизинг нысанасы құнының 0%-нан бастап; қамтамасыз ету - талап етілмейді.
Қаржыландыру лимиті 205 млн теңгеден аспайды және лизинг затының үш бірлігінен аспайды. Бір лизинг алушыға қаржыландыру екі жылдық кезең ішінде бір реттен артық берілмейді. Егер лизинг заттарының жиынтық құны бір лизинг алушыға (үлестес тұлғалар тобына) қаржыландыру сомасынан асып кеткен жағдайда, соңғысы айырманы ҚазАгроҚаржыға аванс түрінде төлеуге құқылы.
Бағдарламаға қатысатын өндірушілердің, сондай-ақ техниканың тізбесі ҚазАгроҚаржы сайтында орналастырылған.
