Қазан айында Қазақстанда ауа райы қандай болады

Қазан айының бірінші онкүндігінде Қазақстанның басым бөлігінде жауын-шашын және желдің екпіні секундына 15-25 метрге дейін күшейеді деп болжануда. Солтүстік жартысында, шығысында, оңтүстік-шығыстың таулы аймақтарында түнгі уақытта жаңбырдың ылғалды қарға ауысуы мүмкін. Кейбір күндері антициклонның әсерінен жауын-шашынның тоқтауы болжанады. Бұл туралы Қазгидромет хабарлайды.

Бірінші онкүндіктің басында ауа температурасы төмендейді деп күтілуде:

• республиканың батысында түнде +3+12°С-тан -3+5°С-қа дейін, күндіз +18+27°С-тан +13+22°С-қа дейін;
• солтүстікте, солтүстік-батыста, орталықта, шығыста түнде 0,+8-ден-1-6°С-қа дейін, күндіз + 17 +25°С-тан+5 + 13°С-қа дейін.

Елдің қалған бөлігінде ауа температурасының ауытқуы болжанады:

• оңтүстік-батыста, оңтүстікте түнде +10+18°С-тан +7+15°С-қа дейін, күндіз +23+28°С-тан +20+25°С-қа дейін;
• оңтүстік-шығыста түнде +5+13°С-тан +10+15°С-қа дейін, күндіз +20+25°С-тан +15+20°С-қа дейін.

Болжам бойынша, республика бойынша бірінші онкүндіктің соңында қайтадан жылы ауа райы белгіленеді, солтүстік жартысында ауа +10+18°С дейін, оңтүстік жартысында және республиканың батысында +20+28°С дейін қызады.

Қазан айның екінші және үшінші онкүндігінде елдің солтүстік жартысында тұрақсыз ауа-райы болжануда, жауын-шашын - жаңбыр, сулы қар жауады, екпінді жел, көктайғақ, тұман күтіледі. Республиканың оңтүстік жартысында ауа-райы негізінен жауын-шашынсыз болады, бірақ фронтальды бөлімдердің шиеленісуімен жауын-шашын, негізінен жаңбыр түрінде болуы мүмкін.

Ауа температурасының ауытқуы болжанады:

• батыс өңірлерде түнде -2+6°С-тан 0,-8°С-қа дейін, күндіз +13+23°С-тан +3+12°С-қа дейін;
• республиканың солтүстік, орталық және шығыс өңірлерінде түнде +3+10°С-тан -1-10°С-қа дейін, күндіз +10+20°С-тан -2+5°С-қа дейін;
• ҚР оңтүстігінде, оңтүстік-батысында, оңтүстік-шығысында түнде +3+11°С-тан-1-6°С-қа дейін, күндіз +18+25°С-тан +8+18°С-қа дейін.