Қарағанды облысында чипс сұрыптарының картоптары өсіріле бастады

Қарағанды облысында биыл алғаш рет чипс картоп сұрыптары өсірілді, оны Алматы облысындағы Pep siCo компаниясының жаңа зауытына жеткізу жоспарлануда. Бұл туралы Қарағанды облысы әкімінің баспасөз қызметі хабарлады.

Lay's чипсын өндіру зауыты 2026 жылы іске қосылады. Шикізат жеткізушілерін таңдау үшін PepsiCo Қазақстанның бірнеше ауыл шаруашылығы кәсіпорындарымен ынтымақтастықты бастады. Солардың бірі - Осакаров ауданының Ақпан ауылында жұмыс істейтін "Найдоровское" ЖШС.

Шаруашылық директоры Павел Лущактың айтуынша, чипс картобы сынақ учаскесінде 80 гектар жерде өсірілді. Арнайы сұрыпты отырғызу материалын компания ұсынды.

"Бізге сенім артты. Биыл біз шамамен 1,5 - 2 мың тонна жинап, сынақ режимінде өңдеуге жібереміз. 2025 жылы да солай болады. Ал Алматы облысында зауыт ашылған кезде, егер біз барлық сапа стандарттарына төтеп берсек, жеткізу көлемін арттырамыз. Ынтымақтастық өте қызықты. Өнеркәсіптік өңдеуге арналған картоп - бұл асханаықтан басқа деңгей. Және бұл кепілдендірілген сатылым. Фермерлер үшін өте жақсы перспектива", - деді Павел Лущак.

Компания чипстерді өндіру үшін өсірілген картопты сатып алып қана қоймай, сонымен қатар заманауи егіншілік технологияларын енгізуге көмектеседі. Тәжірибелі мамандар отырғызудан бастап барлық кезеңдерде сүйемелдейді. Соның ішінде өсімдіктерді суару және қорғау бойынша кеңес береді.

"Өз ерекшеліктері бар, бәрін үйреніп, тәжірибе алмасып жатырмыз. Бұл үлкен пайда, өйткені технологияарды барлық алқаптарымызға әкелеміз. Өнеркәсіптік өңдеуге арналған картопқа қойылатын талаптар қатаң, қант пен құрғақ заттарға төтеп беру керек. Сақтау ерекшелігі бар", - деп атап өтті Павел Лущак.

"Найдоровское" ЖШС келесі жылы 25 жылдық мерейтойын атап өтеді. Ширек ғасырда шаруашылық үлкен даму жолынан өтті. Бүгінде ол 200-ден астам адамды жұмыспен қамтамасыз етіп отыр. Дәнді, майлы дақылдарды, бұршақ дақылдарын және картопты өсіруге маманданған.

Олар картоппен 10 жыл бұрын айналыса бастады. Ол кезде небәрі 70 га болған, ал қазір 480 га дейін жеткізілді. Өндіріс 20 мың тоннаға дейін өсті. Олар картоп сақтайтн үлкен қойма салды, келесі жылы тағы бір қойманы салуды жоспарлап отыр. Кеңейтуден кейін шаруашылық 50 мың тоннаға дейін картоп өсіре алады. Қазір ол өз өнімдерімен елдің ішкі нарығын қамтамасыз етуде, ал жоспарда Еуропаға шығу бар.