"ҚазАгроҚаржы" АҚ баспасөз қызметінде соңғы уақытта алаяқтар өздерін осы компанияның өкілдері ретінде көрсете отырып, несие беру туралы жалған хаттар жіберетін жағдайлар жиілеп кеткенін хабарлады. Сондай-ақ, қаскүнемдер клиенттің дербес деректері және "ҚазАгроҚаржы" АҚ Басқарма төрағасының қолы қойылған жалған хаттарды неғұрлым сенімді түрде таратады.
"Бәйтерек" холдингінің компаниялар тобына кіретін "ҚазАгроҚаржы" АҚ ауыл шаруашылығы тауарларын өндірушілерге ауыл шаруашылығы техникасын сатып алу үшін лизингтік қызметтер көрсететініне назар аударамыз. Компания клиенттерге несие түрінде қолма-қол ақша беруге қатысты ұсыныстар жібермеген. Бұл хаттарды алаяқтар жәбірленушілерден жалған қызметтер үшін ақша сұрау мақсатында пайдаланады", - деп мәлімдеді "ҚазАгроҚаржы" АҚ баспасөз қызметі.
Маңғыстау облысынан бірнеше клиенттер алаяқтардың құрсауында қалғаны хабарланды. Несие алу үшін компанияның жалған жұмыскерлері 800 мың теңге көлемінде бастапқы жарнаны, сондай-ақ мақұлданған несие сомасының пайызын сұраған. "ҚазАгроҚаржы"-да орта есеппен осындай бір "қызмет" клиентке 2 млн теңге шығын келтіргені айтылды. Әрі қарай, алаяқтар өздерінің іс-әрекеттерінің заңдылығын растау үшін келісімшарт жасаған.
"Біз барлық азаматтарды ерекше мұқият болуға және мұндай хабарламаларға жауап бермеуге шақырамыз. Егер сіз осындай хат алсаңыз немесе алаяқтық әрекеттерге тап болсаңыз, дереу ішкі істер органдарына хабарласыңыз", - деп ескертті "ҚазАгроҚаржы" АҚ баспасөз қызметінен.
"ҚазАгроҚаржы" АҚ несиелер беру туралы күмәнді ұсыныстар алған жағдайда www.kaf.kz ресми сайтында көрсетілген "ҚазАгроҚаржы" АҚ байланыс деректері бойынша өз сұратуларыңызды жолдауды хабарлайды.http://www.kaf.kz/
