ҚазАгроҚаржы тұрақсыздық айыбын есептен шығару акциясын жариялады

ҚазАгроҚаржы ақшалай міндеттемелерді уақтылы орындамау нәтижесінде туындаған тұрақсыздық айыбын есептен шығару жөніндегі акцияны іске қосты. Акция 2024 жылдың 13 желтоқсанына дейін өткізіледі, деп хабарлады компанияның баспасөз қызметінен.

Акцияға негізгі борыш, сыйақы немесе айыппұл бойынша мерзімі өткен міндеттемелері, оның ішінде сот шешімі бойынша өндіріп алынған берешегі бар ҚазАгроҚаржы клиенттері қатыса алады. Ол үшін қарызды 13 желтоқсанға дейін толығымен өтеу керек.

Акция басталғанға дейін мерзімі өткен берешегі жоқ, бірақ оны өткізу кезеңінде міндеттемелерді орындау мерзімдерін бұзуға жол берген клиенттерге, сондай-ақ қарыздар көрсетілген күнге дейін толық өтелген жағдайда, тұрақсыздық айыбы есептен шығарылады.

Өтінім беру және толық ақпарат алу үшін ҚазАгроҚаржы өңірлік филиалдарына жүгіну қажет.