Қазақстан Моңғолиямен ұсақ малды экспорттауға арналған ветеринариялық сертификатты келісті. Кездесуде ҚР АШМ Ветеринариялық бақылау және қадағалау комитеті төрағасының міндетін атқарушы Самат Төлегенов пен Моңғолияның бас ветеринария басқармасының өкілдері Батсух Басаан мен Делгермаа Басаан осы саладағы ынтымақтастықтың егжей-тегжейін талқылады. Бұл туралы ҚР АШМ баспасөз қызметі хабарлады.
АШМ ақпараты бойынша, осы жылдың тамыз айында екі елдің ведомстволары тауарлық және асыл тұқымды ұсақ мал экспортына ветеринариялық сертификат келіскен.
"Қыркүйек айының басында Моңғолия өкілдері Түркістан облысы шаруашылықтарының тәуекелдерінің Моңғолияның ветеринариялық-санитариялық талаптарына сәйкестігіне инспекция және бағалау жүргізді. Ветеринариялық қызметтің құрылымы мен ел жүргізіп жатқан ветеринариялық алдын алу іс-шаралары оң бағаланды", - деп атап өтті АШМ-де.
Өткен кездесу барысында екі елдің ветеринариялық ведомстволарының өкілдері екіжақты өзара іс-қимылдың негізгі мәселелерін талқылады. Сондай-ақ, тараптар ВБҚК мен Моңғолияның бас ветеринария басқармасы арасындағы өзара түсіністік туралы меморандум жобасын талқылап, ветеринариялық мамандар мен ұлттық ветеринариялық зертханалардың қызметкерлері арасында тәжірибе алмасуға келісті.
