Қазақстан әлеуметтік маңызы бар өнімдер бағасының 10 жыл ішінде ең аз өсуіне қол жеткізді

Әлеуметтік маңызы бар азық-түлік тауарлары бағасының орташа индексі (ӘМАТ) жыл басынан бері 1,3% құрады, бұл соңғы 10 жылдағы ең төменгі көрсеткіш. Бұл туралы Сауда және интеграция министрлігінің баспасөз қызметі хабарлады.

Ағымдағы жылы қарақұмық жармасының (-35%), сәбіздің (-9,2%), күріштің (-8,2%), ұнның (-6,6%), қанттың (-3,3%), қырыққабаттың (-0,8%) және күнбағыс майының (-0,4%) бағасы төмендеді. Төрт өңір биылғы жылы жұмысты барынша нәтижелі жүргізіп, жыл басынан бері бағалардың теріс индексін көрсетті: Түркістан облысы (-2,8%), Ұлытау облысы (-2,8%), Астана қаласы (-1,5%) және Қызылорда облысы (-0,6%).

Сауда және интеграцияның бірінші вице-министрі Айжан Бижанованың айтуынша, мемлекеттік бағаны бақылау құзыреті министрлікке берілген сәттен бастап әкімшілік практиканы қолдану өткен жылмен салыстырғанда 5 есе өсті. Мемлекеттік бақылау күшейтілді және электрондық шот-фактураларды талдау арқылы өңірлік комиссиялардың қызметі жақсарды.

"Өңірлік комиссияның 1,4 мыңнан астам отырысы өткізілді - 1 441 бұзушылық фактісі анықталды, 9,2 мың тізбекке талдау жүргізілді және 3,7 мыңнан астам бұзушылық қаупі анықталды. 2025 жылғы 1 қаңтардан бастап ӘҚБтК-де сауда үстемесін асырғаны үшін жауапкершілікті қатаңдату бойынша жұмыс жоспарланған. Бұл қатаңдату ескертуді субъектілер санатына байланысты 5-тен 150 АЕК-ке дейінгі әкімшілік айыппұлға ауыстыруды көздейді. Заң жобасын ҚР Парламенті Мәжілісі мен Сенат депутаттары қолдады", - деп атап өтті Айжан Бижанова.

Сондай-ақ, өңірлерде тұрақтандыру қорларынан көкөністерді броньсыздандыру жалғасуда. Ауыл шаруашылығы вице-министрі Ербол Тасжүрековтің ақпараты бойынша, 159,6 мың тонна көлемінде қалыптасқан, бүгінде 19,5 мың тонна көкөніс сатылып, қалғаны 140 мың тоннаны құрайды. 10,8 мың тонна картоп, 2,9 мың тонна сәбіз, 3,2 мың тонна пияз және 2,5 мың тонна қырыққабат сатылды.