Қазақстан австралиялық ветеринария жүйесінің тәжірибесін зерттеуде

Вице-премьер Серік Жұманғарин бастаған қазақстандық делегация мал шаруашылығын дамыту тәжірибесін зерттеу үшін Австралияға барды. Атап айтқанда, бұл елде ветеринария жүйесінің қалай құрылғанына көп көңіл бөлінді. Сапар қорытындысы туралы ҚР премьер-министрінің баспасөз қызметі хабарлады.

Австралиялық мамандар сенімділік пен толық биоқауіпсіздікті қамтамасыз ететін ауылшаруашылық жануарларын бақылаудың электронды жүйесінің тәжірибесімен бөлісті.

Баспасөз қызметі атап өткендей, Австралияда халықаралық эпизоотиялық бюрода (аусыл, бруцеллез, сібір жарасы және т.б.) тіркелуге жататын адам үшін қауіпті мал аурулары іс жүзінде жоқ. Тек кейбір аймақтарда жылқылардың құтыруына ұқсас вирус бар. Бірақ вакцинацияның арқасында бұл індет толығымен ауыздықталады.

Биологиялық қауіпсіздіктің бұл деңгейіне көбінесе жануарларды сәйкестендіру мен қадағалаудың электронды жүйесі арқылы қол жеткізілді. Әрбір фермердің, әрбір қасапхананың, бордақылау алаңының жеке сәйкестендіру нөмірлері болады, оларға өз кезегінде жануарлардың нөмірлері бекітіледі және олардың барлық қозғалысы тіркеледі. Бүгінгі таңда электронды биркалаумен Австралияның ірі қара малының барлық табыны қамтылған. Ірі қара мал басын электрондық жүйеге 2025 жылға қарай енгізу жоспарлануда. Австралиялық мамандардың айтуынша, мұндай ашықтық ветеринария үшін өте маңызды, өйткені жануар ауырған жағдайда оны оңай оқшаулауға болады.

"Австралияда жеке және мемлекеттік ветеринария арасында нақты айырмашылық бар. Жекеменшік ұйым маманы малды тексеруге және емдеуге жауапты, фермерлердің шақыруы бойынша жұмыс істейді. Мемлекеттік ветеринарлық қызмет қауіпсіздікті бақылауға жауапты, халықаралық нарықтардағы сұраныстар мен шақыруларды қадағалайды. Сондай-ақ, егер үлкен індет орын алған жағдайда, ветеринарлар ауруларды тексеруге қатысады. Бізді Австралияда ХЭБ-те тіркелетін инфекциялардың жоқтығы қуантады. Менің ойымша, бұл континент болғандықтан және тарихи тұрғыдан жануарлардың ауруларын бақылау бізге оңай болды. Бұл үшін бізде барлық әдістер бар", - деді Аделаида университетінің профессоры Шон Миллер қазақстандық делегацияға.

Австралияда мемлекет іс жүзінде ауыл шаруашылығын қолдау шараларын ұсынбайды. Отынды субсидиялау бар, бірақ бұл сирек кездесетін жағдай. Мемлекеттік органдардың рөлі – өндірушілердің мүдделерін халықаралық нарықтарда ілгерілету, фермерлерді оқыту және ақпараттандыру, сондай-ақ елдік ауқымда ветеринариялық қауіпсіздікті қамтамасыз ету.

Мұндағы мал шаруашылығы өнімдерінің бағасы толығымен нарыққа негізделген, баға құбылмалылыққа ұшырайды, өйткені олар ауа-райына да байланысты. Жалпы, салаға климаттың құрғақшылығының жалпы тенденциясы әсер етеді: фермерлік шаруашылықтардың кеңею тенденциясы байқалады.

"Австралияда болғанымызда біз мал шаруашылығын тиімді ірілендіру әдістерін зерттедік. Әлемдік экспорттық нарықтағы бәсекелестік жоғары және Қазақстан өз орнын алуы үшін біз еттің өзіндік құны төмен мал өсіруіміз қажет. Біз бұл елде ауылшаруашылық жануарларының тарихын толық бақылауға болатынын көреміз: төл алған және сәйкестендіру сәтінен бастап мал биржасында сатуға немесе союға дейін қойылған. Біздің республикада малды өткізу, сатып алу, әкету, әкелу және т. б. кезінде карантинге жатқызу ережелері қолданылады. Бұл жерде мұндай тәжірибе жоқ", - деп атап өтті Ауыл шаруашылығы вице-министрі Аманғали Бердалин.