Қазақстан ұнтақтау өнімдерінің экспортын ұлғайтты

Қазақстанда ұнтақтау өнімдерін тасымалдау 10 айда соңғы бес жылдағы жылдық көрсеткіштерден асып, 2,9 млн тоннаны құрады. Өткен жылдың ұқсас кезеңіндегі өсім - 11%. Бұл туралы ҚТЖ компаниясында хабарлады.

"Астықты өңдеу және ұнды тиеу бойынша абсолютті көшбасшы жалпы тиеудің 50% үлесімен Қостанай облысы болды, екінші орында 17% үлесімен Ақмола облысы тұр. Бұл ретте қыркүйек-қазан айларында жаңа егіннің астығын ұнтақтау үшін 0,5 млн тоннадан астам өнім тасымалданды", - деп хабарлады Ұлттық компанияда.

Қазақстандық ұн импортының көшбасшылары Ауғанстан (788 мың тонна), Өзбекстан (454 мың тонна), Тәжікстан (57 мың тонна), Түрікменстан (28 мың тонна) және Қырғызстан (23 мың тонна) болды.

Қытай нарығы да оң динамиканы көрсетіп, өткен жылмен салыстырғанда 48% өсіммен 10 айда 0,5 млн тоннадан асып түсті.

Компанияда ҚТЖ мен өңірлерде мәселелерді шешу және астық жүктерін тасымалдауды бақылауды қамтамасыз ету үшін астық пен ұнтақтау өнімдерін тасымалдау бойынша жедел штабтар жұмыс істейтінін атап өтті.