ҚР Ауыл шаруашылығы вице-министрі Ермек Кенжеханұлы Иранда қазақстандық ауыл шаруашылығы өнімдерін жеткізуді ұлғайту жөнінде келіссөздер жүргізді. Сондай-ақ, Парсы шығанағы елдеріне өнім жеткізу үшін Иранның транзиттік әлеуетін пайдалану талқылануда, деп хабарлады ҚР Ауыл шаруашылығы министрлігінің баспасөз қызметі.
Иранда екі ел арасындағы Ауыл шаруашылығы жөніндегі Жұмыс тобының бірінші отырысы өтті. ҚР Ауыл шаруашылығы министрлігінің деректері бойынша 2024 жылы ауыл шаруашылығы өнімдерінің өзара тауар айналымы $220,1 млн-ға жетті, өсім 2023 жылмен салыстырғанда 33,2% құрады.
"Иран Қазақстанның ауыл шаруашылығы саласындағы стратегиялық серіктесі болып табылады. Біз Иран нарығына астық, ет өнімдері, өсімдік майлары мен кондитерлік өнімдер экспортын кеңейтуге, бірлескен кәсіпорындар құруға мүдделіміз, Иран арқылы Парсы шығанағы елдеріне ауыл шаруашылығы өнімдерінің транзитін ұлғайтуға дайынбыз", – деп атап өтті Ермек Кенжеханұлы.
Отырыс барысында тараптар Қазақстан Иранға дәнді-бұршақты және арпа, 500 мың тонна күнбағыс майы мен шрот, қой еті мен тірі малды жеткізу мәселелерін пысықтайтынына келісті.
Өз кезегінде Иран ірі қара, ұсақ мал, жылқы терісін экспорттауға ветеринариялық сертификатты келісуді жеделдетеді, Иран ауыл шаруашылығы өнімдерін және т. б. жеткізуді ұлғайтады.
Сондай-ақ, Тараптар Бендер-Аббас порты арқылы ұн жіберу үшін Иранның транзиттік әлеуетін пайдалануға келісті.
