Астанада сауда-экономикалық ынтымақтастық жөніндегі қазақстан-швейцария комиссиясының 11-ші отырысы өтті. Осы отырыста елдер арасындағы екіжақты өзара тиімді әріптестікті күшейту мүмкіндіктері талқыланды. Премьер-министрдің орынбасары – ҚР сауда және интеграция министрі Серік Жұманғарин қазақстандық делегацияны, ал швейцариялық делегацияны елші, сауда келісімдері жөніндегі федералды кеңестің комиссары, SECO басқарма мүшесі, SECO екіжақты қатынастар департаментінің басшысы Эрвин Боллингер басқарды.
Қазақстанда швейцариялық капиталдың қатысуымен 300 ге жуық компания жұмыс істейді, бұл ретте швейцариялық бизнес осындай салалық флагмандармен ұсынылған:
"2022 жылдың қорытындысы бойынша біздің елдеріміз арасындағы тауар айналымы Швейцария мен Қазақстан сияқты мемлекеттер үшін 1 1,4 млрд құрады, мұндай тауар айналымы онша көп емес. Біз экспортқа дайын әлеуетті тауарларымызға талдау жасадық, қолданыстағы тізбені 546,4 млн доллар сомасына тағы 90 тауар позициясына кеңейтуге дайынбыз. Швейцариялық тауарлардың жоғары сапасын ескере отырып, біз премиум сегменттің тауарларын ұсынуға дайынбыз: уылдырық, балық, бал, шарап-арақ өнімдері. Біз Еурокомиссиямен белсенді жұмыс жүргізіп жатырмыз, балық өнімдерінің экспорты келісілді, бал пысықталуда. Жұмыс топтарында біз қазақстандық уылдырықты ЕО нарығына жеткізуді сертификаттау мәселесіне бастамашылық жасадық", - деді С.Жұманғарин.
Отырыста авиация, энергетика, ауыл шаруашылығы, сауда және инвестициялар, техникалық реттеу, стандарттау және метрология, білім және ғылым, зияткерлік меншік, сондай-ақ венчурлік инвестицияларды тарту сияқты салалардағы екіжақты ынтымақтастық мәселелері талқыланды.
Естеріңізге сала кетейік, Швейцария Қазақстанның үздік-3 инвесторының қатарына кіреді, атап айтқанда Нидерланды мен АҚШ-тан кейін. 2022 жылы Қазақстан мен Швейцария арасындағы тауар айналымы 1,4 млрд доларға жетті және 2021 жылмен салыстырғанда ($1,3 млрд) 6,4% - ға өсті.
