Қазақстанда шұжық өнімдерін, сондай-ақ ет қосалқы өнімдерін өндіру көлемі 2024 жылғы қаңтардан қыркүйекке дейін өткен жылдың сәйкес кезеңімен салыстырғанда 3,2%-ға өсті. Осы кезеңде отандық кәсіпорындар 51,9 мың тонна өнім өндірді, бұл 2023 жылмен салыстырғанда 1,6 мың тоннаға артық, деп хабарлады Ұлттық статистика бюросының баспасөз қызметінен.
Шұжық және ет өнімдерінің экспорты тоғыз ай ішінде54,5% - ға өсті. Шетелге 315,6 тонна өнім жөнелтілді, ал өткен жылдың осы кезеңінде экспорт 204,3 тоннаны құрады. Экспорттың негізгі көлемі Ресейге, Қырғызстанға, Өзбекстанға және Катарға бағытталды.
Сол кезеңдегі импорт 2,3% өсім көрсетті. Елге 34,4 мың тоннадан астам өнім әкелінді. Өнімдер негізінен Ресейден, Беларусьтен, Қырғызстаннан және Канададан келді.
Статистикалық деректерге сәйкес, Қазақстанның ішкі нарығында 2024 жылдың алғашқы 9 айында 86,1 мың тонна шұжық және ұқсас ет өнімдері сатылды, бұл 2023 жылдың тиісті кезеңімен салыстырғанда 2,7%-ға артық (83,8 мың тонна).
