Қазақстандық өнімдер қытайлық Нанкинде сатыла бастайды

Қытайдың Цзянсу провинциясында, Нанкин қаласында "Цзянсу-Орталық Азия" сауда орталығы салынды. Бірінші кезеңде Қазақстаннан, содан кейін Орталық Азияның басқа елдерінен тауарлар пайда болады. Ауқымды жоба SOHO Holdings Group-пен бірлесіп жүзеге асырылуда. Бұл туралы ҚР Сауда және интеграция министрлігінің баспасөз қызметі хабарлады.

Қазақстан мен Қытай мультифункционалды орталығын құру туралы келісімді 2024 жылғы наурызда жасады. Жақында сауда орталығының алаңына Цзянсуға сапары кезінде ҚР Сауда министрлігінің басшысы Арман Шакқалиев келді.

SOHO HoldingsGroup өкілінің айтуынша, жобада барлығы 11 ғимараттың құрылысы қарастырылған. Қазақстан мен Орталық Азия елдері үшін ауданы 2 мың шаршы метр болатын жеке төрт қабатты павильон берілді.

"Қытай Қазақстанмен екіжақты тауар айналымы бойынша жетекші орын алатын біздің стратегиялық сауда әріптесіміз. Мемлекет басшысы Қытаймен өзара сауданы 100 млрд доллларға дейін жеткізу міндетін қойды. "Орталық Азия - Цзянсу" жобасын іске асыру қазақстандық тауар өндірушілердің Қытай нарығына белсенді шығуына ықпал етеді және біздің елдеріміз арасындағы сауда және экономикалық алмасулардың кеңеюіне серпін береді", - деді Арман Шакқалиев.

Әзірлеушілердің ойынша, сауда кешенінің бірінші қабаты таныстырылымдық болады: мұнда қытайлық келушілер Қазақстан, оның мәдениеті мен ерекшеліктері туралы түсінік ала алады. Екінші қабатта қазақстандық тауарларды әртүрлі санаттар бойынша көрсету ұсынылады: ауыл шаруашылығы өнімдері, өнеркәсіптік тауарлар және т. б. Қалған қабаттарда қазақстандық компаниялардың кеңселері орналасады.

"Біз қазақстандық бизнесті отандық тауарлардың экспорттық әлеуетін көрсету үшін "Орталық Азия – Цзянсу" алаңында өз өнімдерін белсенді түрде көрсетуге шақырамыз. Бұл ретте Қытай тарапы QazTrade-ке қазақстандық өнімді квота бойынша орналастыруға айрықша құқық береді", - деді Арман Шакқалиев тауар өндірушілерге.

Нанкинде "Орталық Азия – Цзянсу" сауда орталығының ресми ашылуы қыркүйекке жоспарланған.