Тауарлар
Қызметтер
Тасымалдау қызметі
2024 жылғы ақпанда қазақстандық құс фабрикалары Ресейге 600 мыңнан астам тауық жұмыртқасын қосымша жеткізуді жүзеге асырды. Бұл туралы Қазақстанның жұмыртқа өндірушілер қауымдастығы өзінің Facebook парақшасында хабарлады.
Естеріңізге сала кетейік, 2024 жылдың қаңтарында Ресей үкіметі Қазақстаннан қосымша тауық жұмыртқаларын экспорттау туралы өтініш жасаған болатын.
Осы аптада тағы 400 мың тауық жұмыртқасы жіберіледі деп күтілуде. Қазақстанның жұмыртқа өндірушілер қауымдастығының болжамына сәйкес жыл бойы 1 млн тауық жұмыртқасы деңгейінде ай сайын жеткізуді ұйымдастыру жоспарлануда.
Ресейге қосымша жұмыртқа экспортының негізгі жеткізушілері «КОКО» сауда үйі («Жас-Қанат 2006» ЖШС) және «Шаңырақ ГмбХ» ЖШС («Курочка Ряба» ЖШС) болып табылады. Бұл зауыттардың қуаттылығы Қазақстанның ішкі нарығына нұқсан келтірместен жұмыртқа өндіру көлемін айына 1 млн жұмыртқаға дейін ұлғайтуға мүмкіндік береді.
«Бүгінде отандық құс фабрикалары еліміздің ішкі нарығының 100% тауық жұмыртқасымен қамтамасыз етеді және ішкі нарықтағы жұмыртқа өндірісінің бағасы мен көлеміне әсер етпей, ай сайын экспортқа 1 млн-ға дейін жұмыртқа жеткізе алады, — деді Қазақстан жұмыртқа өндірушілер қауымдастығының президенті Қайрат Майшев. — Сонымен қатар, сауда және интеграция министрлігімен қол қойылған меморандум аясында біз жұмыртқалардың көтерме шекті бағасын белгілеуге және 2024 жылдың соңына дейін барлық өңірлерге қажетті көлемде тұрақты жеткізуді қамтамасыз етуге міндеттендік.»
Өндірушілер Ресейге жеткізілімдер Қазақстанның ішкі нарығына зиян тигізбейді деп мәлімдейді.
