Қазақстандық өндірушілерді ЭКСПО-Еуразия көрмесіне шақыруда

2023 жылғы 17-21 тамыз аралығында Үрімші қаласында (ҚХР) ЭКСПО-Еуразия халықаралық көрмесі өтеді. QazTrade — сауда саясатын дамыту орталығында қазақстандық өндірушілердің, атап айтқанда, азық-түлік, ауыл шаруашылығы және тоқыма өнімдерінің осы көрмесіне қатысуды ұйымдастыру жоспарланып отырғанын хабарлады.

QazTrade аталған іс-шара аясында келесі шығындарды өтейді, атап айтқанда:

• көрмені өткізудің ресми мерзімінде Үрімшіге қатысушылардың жол жүруі/әуе сапары (бірақ кәсіпорыннан 1 адамнан артық емес);
• қазақстандық қатысушылардың көрмені өткізудің ресми мерзімдерінде тұруы (бірақ кәсіпорыннан 1 адамнан артық емес);
• 180 шаршы метр көрме стендін жалға алу;
• Қытайда қазақстандық қатысушылардың, сондай-ақ олардың аудармашыларының b2b кездесулері аясында трансфері.

ЭКСПО-Еуразия халықаралық көрмесіне қатысуға мына сілтеме бойынша тіркелуге болады. Қатысу мәселелері бойынша:

• Қашаева Жұлдыз +7 701 555 8653, zh.kashayeva@qaztrade.org.kz,
• Қабдолла Асылхан, + 7 708 252 88 69, a.kabdolla@qaztrade.org.kz

Сауда және интеграция министрлігі қатысушылардың соңғы тізімін бекітеді.