Түркістанда Қазақстан-Германия университетінің (DKU) филиалын ашу жоспарлануда. Бұл туралы облыс әкімінің баспасөз қызметі хабарлады.
Кездесу барысында Түркістан облысының әкімі Дархан Сатыбалды мен DKU президенті Роммель Волрад оқу орнының алдағы жұмысын талқылады. Өңір басшысы облыстың аграрлық екенін атап өтті. Жақын арада мұнда мал биржасы мен тері өңдейтін жаңа кәсіпорындар ашу жоспарлануда. Өңірде ауыл шаруашылығына инвестициялар үнемі артып отырады.
"Облыс аграрлық болғандықтан, АӨК саласында университеттің ашылуы басты басымдықтардың бірі болып табылады. Облыс әкімдігі өз тарапынан барлық мәселелерді қарауға және инфрақұрылымды қамтамасыз етуге дайын. Түркістан облысы да жастар саны бойынша республика көшбасшыларының қатарына кіреді. Бұл бастама аграрлық сектордың дамуына және оған облысымыздың және басқа да жақын қалалардың жастарын тартуға үлкен әсер ететініне сенімдімін", - деп атап өтті Дархан Сатыбалды.
Өз кезегінде Роммель Волрад ЖОО алғаш рет Қазақстан-Неміс университетінің филиалы ретінде жұмыс істейтінін, ал болашақта жеке университет болатынын хабарлады. Түркістан филиалы Ауыл шаруашылығы және қолданбалы информатика саласында мамандар даярлауды жоспарлап отыр.
Қазақ-Неміс университеті 25 жыл бұрын неміс стандарты бойынша мамандар даярлау мақсатында жеке бастамамен құрылған болатын. ЖОО-да бакалавриат пен магистратурада білім алу жүреді. Қазақстандық студенттер Түркістан облысының ірі ауыл шаруашылығы өндірістерінде және Германияда тағылымдамадан өтуге мүмкіндік алады.
Сондай-ақ, ЖОО-да Түркістан облысының тұрақты экономикалық және әлеуметтік дамуына ықпал ететін зерттеулер мен инновацияларға назар аударылады.
