Тауарлар
Қызметтер
Тасымалдау қызметі
«ҚазАзот» компаниясы Маңғыстау облысында халықты қолдау мақсатында электр энергиясын жіберу үшін зауыттың жұмысын тоқтатады. Өңірде 13 тамыздан бастап МАЭК апатынан кейін электр энергиясын беруге шектеулер енгізілді.
«Өңірде қалыптасқан электр энергиясының тапшылығын ескере отырып, «ҚазАзот» компаниясының басшылығы электр энергиясын тұрмыстық тұтынушылардың пайдасына бағыттау туралы шешім қабылдады. Қазір «ҚазАзот» АҚ газ-поршенді электр станциясы желіге 24 МВт*сағ электр энергиясын береді. Өндіріс толық тоқтағаннан кейін желіге электр энергиясын беру 29÷30 МВт*сағ дейін артады», - деп хабарлады «ҚазАзот» баспасөз қызметі.
Компанияның қалыптасуы бойынша өндірісті тоқтату кезең-кезеңімен жүргізіледі. 13 тамызда зауытта күрделі минералды тыңайтқыштар цехын тоқтату басталды. 14 тамызға қараған түні күрделі минералды тыңайтқыштар цехы, әлсіз азот қышқылы цехы және аммиак өндірісі тоқтатылды.
