"Қазсушар" ҚР аграрларына 7,58 млрд текше метрден астам суармалы су берді

Су ресурстары және ирригация министрлігінің "Қазсушар" Қазақстан аграрларына 7,58 млрд текше метрден астам суармалы су берді. Бұл туралы baibolsyn.kz ҚР Су ресурстары және ирригация министрлігінің баспасөз қызметі сілтеме жасай отырып хабарлайды.

Министрлік суармалы судың ең көп мөлшерін алған Қазақстанның ҮЗДІК-5 өңірін жариялады.

Ведомствоның мәліметінше, бұл рейтингте Қызылорда облысы көш бастап тұр. 2024 жылы "Қазсушар" Қызылорда облысы бойынша филиалы шаруаларға 3,36 млрд текше метр су берді. Облыста шаруалармен 965 шарт жасалды. Бүгінгі таңда филиалдың арналары 127,4 мың гектар егіс алаңын сумен қамтамасыз етеді.

2-ші орында Түркістан облысы тұр. "Қазсушар" филиалы өңірдің егіс алқаптарына 2,23 млрд текше метр су жіберіп, 7055 шарт жасасты.

3-ші орында 847 млн текше метр суармалы сумен қамтамасыз етілген Жетісу облысы.

Төртінші орынды Жамбыл облысы иеленді. Осы суару кезеңінде "Қазсушар" филиалы егіс алқаптарына 665 млн текше метр су жіберді. Кәсіпорын тұрақты түрде онымен келісім-шарт жасасқан 3 808 фермерді сумен қамтамасыз етеді.

Алматы облысы ҮЗДІК-5-ті аяқтайды. "Қазсушар" "Д. Қонаев атындағы Үлкен Алматы арнасы" шаруаларға 480 млн текше метр су берді. Бүгінгі таңда 44,86 мың гектар егіс алқабы суарылғаны хабарланды.