Қытайлық Fufeng Group компаниясы Қазақстанда крахмалды қант өндіретін және аминқышқылдарын ашытатын зауыттарды қамтитын жүгеріні терең өңдеуге арналған тігінен интеграцияланған өнеркәсіптік парк құруға ниетті. Бұл туралы ҚР Үкіметінің баспасөз қызметінен хабарлады.
Fufeng Group басқарма төрағасы Ли Сюэчун Қазақстан премьер-министрі Олжас Бектеновпен кездесуде жоба аясында 1 мың жұмыс орнын құру жоспарланып отырғанын хабарлады. Инвестиция көлемі шамамен $300-350 млн құрайды.
Бидай мен жүгеріні терең өңдеу крахмал, аминқышқылдары, натрий глутаматы және ксантан шайырының қосылған құны жоғары өнімдерді алуға мүмкіндік береді, олардың бағасы шикізат құнынан 10-15 есе жоғары.
Ли Сюэчунь компанияның ауыл шаруашылығы дақылдарын өсіру процесіне қатысуға, сапалы тыңайтқыштар беруге және қазақстандық мамандармен заманауи агротехнологиялар бойынша тәжірибе алмасуға дайын екендігін атап өтті.
"Қазақстан қосылған құны жоғары өнім өндірісін ұлғайтуға ұмтылуда, ал астықты терең өңдеу кешендерін салу басым бағыт саналады. Бұл – экономиканы әртараптандыруға және экспорттық мүмкіндіктерді кеңейтуге мүмкіндік беретін стратегиялық бағыт. Бізде бұл үшін қажеттінің бәрі бар: инфрақұрылым, шикізат ресурстары және мемлекеттік қолдау шаралары. Жоба агроөнеркәсіптік секторда қосымша құн құрудың және озық технологиялар енгізудің жарқын үлгісі болмақ. Үкімет тарапынан қажетті қолдау көрсетіледі", - деді Олжас Бектенов.
Fufeng Group Company Limited - аминқышқылдары мен олардың туындыларын өндіруге, сондай-ақ осы саладағы зерттеулер мен әзірлемелерге маманданған био-ашыту индустриясындағы әлемдік көшбасшы. Компания әлемдегі ең ірі натрий глутаматын және ксантан шайырының өндірушісі болып табылады.
Үкіметте Fufeng Group сияқты қазақстандық нарықта осындай ірі ойыншының пайда болуы ауыл шаруашылығы дақылдарын, әсіресе солтүстік астық егетін өңірлерде әртараптандыруға ықпал ететінін атап өтті. Компанияның қазақстандық фермерлермен жоспарлы оффтейк-келісімшарттар жасасуы тиімді ынтымақтастыққа кепілдік береді.
Кездесу қорытындысы бойынша премьер-министр Ауыл шаруашылығы, Өнеркәсіп және құрылыс министрліктеріне Fufeng Group компаниясымен инвестициялық келісімді жедел түрде дайындауды тапсырды.
