Қытайлық мамандар Қазақстанның ветеринариялық қызметіне аудит жүргізуде

Қытайлық мамандар ветеринариялық қызметке аудит жүргізу үшін Қазақстанға келді. Шетелдік делегаттар АШМ Ветеринариялық бақылау және қадағалау комитетінің өкілдерімен кездесті. Бұл туралы ҚР Ауыл шаруашылығы министрлігінің баспасөз қызметі хабарлады.

"Аудит 2023 жылғы 17-24 желтоқсан аралығында өтеді. Өз тарапынан Қытай делегациясы келу үшін маңызды нысандарды – ветеринарлық зертханаларды, сою цехтарын және ауылшаруашылық кәсіпорындарын белгіледі. Шетелдік сарапшылар Қазақстанның шаруашылық кәсіпорындарына ветеринария саласындағы жұмысымен және тәжірибесімен танысу үшін баруды ұсынды", - деп хабарлады ведомстводан.

Ветеринариялық қызмет аудиті Қазақстан мен Қытай арасындағы азық-түлік қауіпсіздігін қамтамасыз ету саласындағы екіжақты ынтымақтастық шеңберінде жүргізіледі. Бұл Қазақстанның ветеринариялық қызметінің күшті және әлсіз жақтарын анықтауға және оны жетілдіру бойынша ұсынымдар әзірлеуге мүмкіндік береді деп күтілуде.

Бұған дейін АШМ-де қытайлық мамандар мал шаруашылығы өнімдерін әкелуге шектеулерді одан әрі алып тастау мақсатында Қазақстанның ветеринариялық қызметі мен кәсіпорындарына инспекция жүргізетінін хабарлаған болатын.