"ҚазМұнайГаз" ұлттық компаниясы өңірлерге жеткізуді ескере отырып, күзгі-дала жұмыстарын жүргізу үшін дизель отынының құнын 238 теңге/литрге дейін төмендетті. Бұл туралы ҚМГ баспасөз қызметі хабарлады.
"ҚР Энергетика министрлігі ұсынған өңірлік отын операторларының маржасын ескере отырып, жеңілдетілген дизель отынының шекті құны 250 теңге/литрден аспауы тиіс. Бұл оның нарықтық құнынан (295 теңге/литр) 45 теңгеге арзан", - деп хабарлады баспасөз қызметі.
Энергетика министрлігі бекіткен күзгі-дала жұмыстарын жүргізу кезеңінде облыстарды мұнай өңдеу зауыттарына бекіту кестесінде 426 мың тонна арзандатылған дизель отынын жеткізу көзделген. Бұл ретте шілде айында Ауыл шаруашылығы өндірушілерінің қажеттіліктеріне 90 мың тонна жеткізілді. Осылайша, фермерлердің дизель отынына түскен барлық өтінімдері орындалды, деп атап өтті ҚМГ.
