Қазақстанда Qazaq Tuqym консорциумы құрылуда

Қазақстанда отандық селекцияның жаңа сұрыптарын жедел құру және енгізу мен ауыл шаруашылығы дақылдарының элиталық тұқымдарын өндіру көлемін ұлғайту мақсатында Qazaq Tuqym ғылыми-өндірістік консорциумы құрылуда. Бұл туралы ҰАҒБО баспасөз қызметі хабарлады.

"Консорциум шеңберіндегі күш-жігерді біріктіре отырып, қатысушылар әртүрлі топырақ-климаттық жағдайларда жаңа перспективалы сұрыптарды құру бойынша тиімді өзара іс-қимыл жасай алады және бірлесіп жұмыс істей алады. Демонстрациялық полигондарды құру жаңа сұрыптар мен технологияларды енгізуге де ықпал етеді", - деп атап өтті ҰАҒБО-да.

Консорциумның мақсаты өсімдік шаруашылығының өнімділігі мен кірістілігін арттыру, сондай-ақ жоғары сапалы отандық сұрыптар мен тұқымдарды пайдалану үлесін арттыру болып табылады. Ынтымақтастық шеңберінде 2030 жылға қарай егіс алқаптарындағы ауыл шаруашылығы дақылдарының отандық тұқымдарының үлесін 80%-ға дейін ұлғайту жоспарлануда.