Павлодар облысының Еңбек ауылының тұрғыны Алтын Жолумбетова ірі жемшөп дайындау бойынша ауыл шаруашылығы кооперативін құрды. Ауыл тұрғыны "Ауыл аманаты" бағдарламасының арқасында өз ісін аша алды. Бұл туралы Ауыл шаруашылығы министрлігінің баспасөз қызметі хабарлады.
Жоба туралы білген әйел қажетті құжаттар пакетін жинап, жылдық 2,5% - бен 13 млн теңге көлемінде шағын несие алды. Берілген қаражатқа кәсіпкер жемшөп дайындау үшін қажетті арнайы техниканы сатып алды: трактор, шөп шапқыш және тайлағыш-жинағыш.
Қазір оның кәсіпорнында 12 адам жұмыс істейді. Ауыл тұрғыны оның "Шабыт" кооперативінің табысы бір маусымда 4,2 млн теңгені құрайды деп есептеді.
Алтын Жолумбетова білімі бойынша ветеринариялық фельдшер, алайда көптеген жылдар бойы бухгалтер болып жұмыс істеді. Енді әйелдің өз ісін дамытуға және ауылдастарын жұмыспен қамтамасыз етуге мүмкіндігі бар.
Бүгінгі таңда "Ауыл аманаты" жобасына қатысу үшін бүкіл ел бойынша ауыл тұрғындарынан 91,5 млрд теңге сомаға 14,5 мыңнан астам өтінім қабылданды, оның ішінде 42 млрд теңгеге 7,5 мың шағын несие берілді. Биыл жеңілдетілген шағын несиелеуге 100 млрд теңге бөлінді.
