Қостанайлық аграрлаға элиталық тұқымға субсидия алудан бас тартылды

Қостанай облысының аграрлары элиталық тұқымдарды субсидиялаудан жаңа талапқа – қазақстандық зертханадан элиталық тұқымдардың кондициялылығы туралы куәлік алуға байланысты бас тарту алды. Бұл ретте олар осы талап қабылданғанға дейін өтінімдер берді. Бұл туралы "Атамекен" кәсіпкерлер палатасында хабарлады.

"Бұл талап 2023 жылғы 24 сәуірде субсидиялау қағидаларына енгізілді. Алайда, фермерлер жылдың басында тұқым себуге тұқым сатып алды. Өтінімдер субсидиялау қағидаларына өзгерістер енгізілгенге дейін берілді, бірақ жаңа субсидиялау бағдарламасымен туындаған қиындықтарды ескере отырып, кадрлардың жетіспеуіне байланысты облыстың АШБ келіп түскен өтінімдерді қарауға үлгермеді. Мерзім кешіктірілді және қарау кезінде элиталық тұқымдардың кондициялығы туралы куәліктің болмауы себебінен аграрларға бас тартылды", - деп түсіндірді аграрлар жүгінген Өңірлік кәсіпкерлер палатасында.

Ауыл шаруашылығы өндірушілері бұл жағдайды заңсыз деп санайды, өйткені бас тарту кезінде егіс жұмыстары аяқталды және бұл құжатты ұсыну мүмкін емес. Сонымен қатар, егер қызмет уақытында көрсетілсе, қажетті құжаттарды алу қиын болмас еді. Енді өткен аграрлық маусымның қиын жағдайында аграрлар шамамен 150 млн теңгені жоғалтуда.

Қазіргі уақытта Палата осы мәселе бойынша Бас прокуратураға жіберілетін ұсыныстар дайындауда.

Жағдай туралы Қостанай облысының Ауыл шаруашылығы басқармасында да түсініктеме берілді. Мемлекеттік органда Gosagro сайтының басқа ақпараттық жүйелермен (МЖК ААЖ, электрондық шот-фактуралар базасы) интеграциялануы өтінімдерді қарау уақытын жеделдетуге көмектесетінін атап өтті. Бірнеше рет ҚР Ауыл шаруашылығы министрлігінің атына сайттың дұрыс жұмыс істемеуін жою туралы хаттар жіберілді.