Қазақстандық фермерлер 6%-бен несие алады

Қазақстанда жеңілдетілген шарттармен қаржыландыру үшін АӨК жобаларын іріктеу жүргізілді. 10 ақпанда Halyk bank 275 млрд теңгеге 89 жобаны іріктеп алды. Бұл туралы ҚР премьер-министрінің баспасөз қызметі хабарлады.

Бірінші кезеңде компания иелерінің іскерлік беделі, олардың осындай жобаларды іске асырудағы тәжірибесі, салалық ерекшелігі, өңірлердің нақты өнім түрлерімен қамтамасыз етілуі бағаланды. Аграрлық несие корпорациясы мен Қазақстанның Даму Банкі желісі бойынша жеңілдікпен қаржыландыруға арналған жобалар пулы портфельге кірген екінші деңгейдегі банктерді ескере отырып қалыптастырылатын болады. Қаржыландыру тетіктері пысықталуда. Әлеуетті жобалардың ішінде 88 млрд теңгеге тағы 49 жоба бар.

Өткен жылдың соңында ауыл шаруашылығы министрлігі Halyk Bank және Бәйтерек холдингінің АӨК қаржы институттарымен ынтымақтастық шеңберінде қаржыландыруды алуы мүмкін 500 жобаның портфелін қалыптастырды. Бұл жобалар негізінен АӨК дамуының басым бағыттарына бағытталған: сүт-тауар фермаларын, көкөніс қоймаларын салу, мал шаруашылығын дамыту, астық, ет, жемістер мен көкөністерді суару, өңдеу жөніндегі жобалар.

Сыйақы мөлшерлемелерін субсидиялау түрінде мемлекеттік қолдау құралдарын қолдануды ескере отырып, қарыз алушы – АӨК субъектісі үшін түпкілікті мөлшерлеме – жылдық 6% - дан аспайды. Негізгі шарттардың бірі - Ауыл шаруашылығын дамытудың мемлекеттік саясатының талаптарына жауап беретін жобаларды үздіксіз қаржыландыру.

Вице-премьер Серік Жұманғарин жобаларды талқылау кезінде қаржы институттарына айналым капиталын қаржыландыру мүмкіндігін қарастыруды ұсынды. Бұл көктемгі егіс жұмыстарына және арзандатылған әлеуметтік маңызы бар азық-түлік өнімдерін өндіруге арналған ауыл шаруашылығы өндірушілерін қолдау құралы.