Семей қаласындағы астық қоймасында ірі өрт шықты

Семейде 1 наурызда астық қоймасында өрт шықты. Жалпы өрт алаңы 1600 шаршы метрді құрады, деп хабарлады Қазақстан ТЖМ баспасөз қызметінен.

ТЖМ мәліметтері бойынша, астық өңдеу кәсіпорнының аумағында күнбағыс тұқымы бар қойманың шатыры өртенген. Алдын ала ақпарат бойынша, өрт кезінде 500 тонна күнжара болған.

Өртті жоюға 65 адам қатысып, 23 бірлік техника, сондай-ақ өрт сөндіру пойызы тартылды. Өрт сөндірушілер жоғары дәрежеде жұмыс істеді.

Оқиға салдарынан ешкім зардап шеккен жоқ.