Қазақстандағы өте күрделі су тасқыны жағдайына байланысты Kusto Group зардап шеккендерге көмек көрсетуге 400 млн теңге бөледі. Зардап шеккен аймақтарға қаражат Kusto.Help жеке қоры арқылы бөлінеді.
"Табиғи апаттан зардап шеккен қазақстандықтарға жанашырлық пен қолдау сөздерін білдіреміз. Ел басшылығы, құзыретті мемлекеттік органдар, еріктілер мен азаматтар адам құрбандарының алдын алу, зардап шеккендерге көмек көрсету және су тасқынының салдарын еңсеру үшін қажет нәрсенің бәрін жасайды. Біз осы жұмысқа қосыламыз және апаттан зардап шеккен қазақстандықтарға барынша көмек көрсетеміз", - деді Kusto Group негізін қалаушы Еркін Тәтішев.
Kusto.Help қайырымдылық қоры халықаралық Kusto Group компаниясымен құрылған. Қор Қазақстан Республикасында COVID-19 коронавирус пандемиясы себебінен жарияланған төтенше жағдай кезеңінде халықтың неғұрлым зардап шеккен және осал топтарына 1 млрд теңгеден астам мөлшерде көмек көрсетуге белсенді қатысты.
