Ауыл шаруашылығы министрлігі ІҚМ экспортына квоталар ашты

2 600 бас ІҚМ әкетуге лицензия алған экспорттаушылар квотаны пайдаланбаған. Лицензия мерзімдерінің аяқталуына байланысты Ауыл шаруашылығы министрлігі осы квоталарды бөлу туралы тағы да жариялады.

АШМ деректері бойынша 17 шілдеге экспортқа квоталар іске асырылмай қалды: бордақылау алаңдары санаты бойынша – 2 500 басқа, тауар өндірушілер үшін – 100 басқа.

​Квоталар лицензия алуға өтініш беру үшін қолжетімді.

Естеріңізге сала кетейік: тірі мал экспортына квоталар осы жылдың ақпан айынан бастап қолданылады. Әкетуге 12 айдан асқан бұқашықтар жіберіледі. Квоталарды бөлу экспортқа лицензиялар беру кезінде Е-лицензиялау порталы арқылы автоматты түрде жүзеге асырылады.