Тұқымды тазарту желісі Қарағанды облысында іске қосылады

Қарағанды облысының Нұра ауданында биылғы жылы қуаты сағатына 20 тонна тұқым тазарту желісін іске қосу жоспарлануда. Желі тұқымдарды фракцияларға бөлуді және ыдыс-қапқа орауды қамтиды. Бұл туралы облыс әкімінің баспасөз қызметі хабарлады.

"Шахтерское" ЖШС базасында орнатылатын арнайы жабдық егіс материалын калибрлеуге және оны қоқыстан тазартуға мүмкіндік береді.

Жалпы, өңірдің АӨК-де 2023-2026 жылдары 64 жобаны іске асыру жоспарлануда.

"Биылғы жылғы жоспарда 24 жоба бар, оның ішінде мал шаруашылығында – 10, өсімдік шаруашылығында – 11 және қайта өңдеу саласында-3. 150-ден астам жұмыс орны ашылады", - деді Ауыл шаруашылығы басқармасының басшысы Асқар Санаубаров.

Өңірде мал шаруашылығы өнімдерін өндіру көлемін өсіру Шет, Қарқаралы және Нұра аудандарында бордақылау алаңдарын, асыл тұқымды репродукторларды құру және сүт-тауар фермаларын салу есебінен жоспарлануда.

2026 жылға дейін 4,1 мың ірі қара мал басына сегіз СТФ құрылады. Мықты жемшөп базасын құру үшін суармалы жерлердің ауданы 21,8 мың гектарға дейін ұлғайтылады.

Сонымен қатар, биыл өңірде Бұқар Жырау ауданында 7,6 мың тонна картоп қоймасы пайдалануға берілді. Жыл соңына дейін Осакаров ауданында 4,2 мың тоннаға және Шет ауданында 13,4 мың тоннаға екі картоп қоймасы салынады. Ал жалпы 2026 жылға дейін жалпы сыйымдылығы 49,2 мың тонна болатын бес заманауи картоп пен көкөніс қоймасының құрылысы жоспарланған.

Сондай-ақ, Осакаров ауданында импортты алмастыру шаралары аясында көп қабатты зауыт салынады. Оның қуаттылығы жылына 4 мың тонна жарма өнімін құрайды. Жобаны 2025 жылы іске асыру жоспарлануда.