Павлодар облысында май экстракциялау зауыты іске қосылады

Aibarys Ltd компаниясы Павлодар облысы Шарбақты ауданындағы Құрқамыс теміржол станциясында май экстракциялау зауытының құрылысын жүргізуде. Кәсіпорынды іске қосу 2025 жылға жоспарланған, деп хабарлады "Атамекен" ҰКП-да.

"Бұл инвестициялық жобаны іске асыру кезеңі - 2023 жылғы мамырдан 2025 жылғы қыркүйекке дейін. Жобаның құны - 25 млрд теңге. Ол Қытайдың мемлекеттік даму банкі арқылы қаржыландырылады", - деді Шарбақты және Успен аудандарындағы "Атамекен" өңірлік кәсіпкерлер палатасы филиалының директоры Қайырбек Құлымбенов.

Оның айтуынша, кәсіпорында негізгі магистральдан ұзындығы 1647 метр темір жол төсеу жұмыстары аяқталған. Зауыттың қажеттіліктері үшін бетон бұйымдарын шығаратын цех құрылысы белсенді жүріп жатыр.

Өсімдік майы өндірісінің қуаттылығы жылына 121,1 мың тоннаға дейін, сондай-ақ жом көлемін құрайды. Өнімдер Қазақстан мен Қытайда сатылатын болады.

Кәсіпорын Павлодар облысының инвестициялық жобаларының жалпыұлттық пулына кіреді және Интерактивті инвестициялық картаға енгізілген.