Тауарлар
Қызметтер
Тасымалдау қызметі
Түркістан облысының Түлкібас кентіндегі тоқтап тұрған ұн тарту зауыты Grain Trading Company деген атпен қайтадан жұмысын бастады. Зауыттың қуаттылығы тәулігіне 250 тоннаны құрайды, деп хабарлады облыс әкімінің баспасөз қызметі.
Қазіргі уақытта ұн тарту зауытында 80 адам жұмыс істейді. Келесі жылы кәсіпорын өнім шығару көлемін тәулігіне 480 тоннаға дейін арттыра отырып, екінші өндірістік желіні іске қосуды жоспарлап отыр. Бұл ретте қосымша 120 жұмыс орны құрылады.
Аудан әкімі Асқар Естібаев жауапты мамандармен бірге кәсіпорынға барып, оның қазіргі жағдайымен танысты. Ол өндіріс орындарын қарап шығып, қажет болған жағдайда заң аясында мемлекеттік қолдау көрсетуге дайын екенін мәлімдеді.
