Тауарлар
Қызметтер
Тасымалдау қызметі
Мемлекет 2024 жылы ішкі және сыртқы нарықтарда агроөнеркәсіптік өнімнің бәсекеге қабілеттілігін арттыру үшін субсидиялар, жеңілдетілген қаржыландыру және басқа да шараларды ұсына отырып, ауыл шаруашылығын белсенді қолдауда. Саланың негізгі көрсеткіштері PrimeMinister.kz сайты редакциясының шолуында ұсынылған. Бұл туралы baibolsyn.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.
"Алғаш рет көктемгі егіс және егін жинау жұмыстарына несие берудің жалпы көлемі 580 млрд теңгеге дейін жеткізілді. Жыл басындағы жеңілдікті қаржыландырудың 180 млрд теңгесіне қосымша, үкімет фермерлерді жылдық 5% - бен несиелендіру үшін қосымша 400 млрд теңге тартуды қамтамасыз етті. Бұл саланың негізгі проблемасын - қаржыландырудың жеткіліксіздігін шешеді. Жеңілдетілген қарыз қаражатының жеткілікті мөлшері фермерлерге жоғары өнім алу үшін технологияларды сақтауға мүмкіндік береді", - делінген Үкімет ақпаратында.
Үкімет қаржыландырудың тағы бір арнасын - қарыз алуды жеңілдетуге ықпал ететін өңірлердің әлеуметтік-кәсіпкерлік корпорацияларын (ӘКК) тартты. 6 Облыстың ӘКК арқылы көктемгі егіс және егін жинау жұмыстарын жеңілдетілген несиелендіруге 65 млрд теңге бөлінді.
Сондай-ақ, "Даму" қоры арқылы қарыздарға кепілдік беру тетігі енгізілді. Бұл тетік кепілдік тапшылығы мәселесін шешу үшін қарыз сомасының 85%-на дейін кепілдікпен жабуға мүмкіндік береді, әсіресе 2023 жылғы несиелерді ұзартуға байланысты.
2024 жылғы наурызда отандық тыңайтқыштарды аванстық субсидиялау тетігі енгізілді. Бұл тетік субсидия мөлшерлемесін 50% - дан 60% - ға дейін арттыруға мүмкіндік берді. Отандық тыңайтқыштарға сұраныс күрт өсті: 2023 жылы 676 мың тонна енгізілді, 2024 жылы 1,5 млн тонна енгізу жоспарланған, оның 1,1 млн тоннасы сатып алынды.
Сондай-ақ, ағымдағы жылы "ҚазАгроҚаржы" АҚ үшін жылдық 5%-бен ауыл шаруашылығы техникасын лизингке беру мақсатында қосымша 100 млрд теңге тарту шаралары енгізілді.
Ауыл шаруашылығы министрлігі АӨК субъектілеріне жылдық 5% мөлшерлеме бойынша несие беру үшін қаржы институттарының сыйақы мөлшерлемелерін тікелей субсидиялау тетігін енгізді. Қазір бұл тетік көктемгі егіс және егін жинау жұмыстарын несиелеу үшін қолданылады.
"Бұдан басқа, су үнемдеу технологияларын енгізу үшін инвестициялық субсидиялау нормативтерін ұлғайту көзделген. Су үнемдеу технологияларын сатып алуға, сондай-ақ суды алу және беру үшін инфрақұрылымды құруға және кеңейтуге жұмсалған шығындарды өтеу үлесі жергілікті бюджет қаражаты есебінен 50% - дан 80% - ға дейін ұлғайтылды", - делінген Үкіметтің ақпаратында.
