Ұлттық экономика вице-министрі Тимур Жақсылықов Қазақстанда мамандандырылған аграрлық банк құру орынсыз деп санайды. Бұл туралы Informburo.kz жазады.
Сенаттағы дөңгелек үстел барысында депутат Бекбол Орынбасаров Агробанк құру мәселесін көтерді. Оның айтуынша, осылайша ҚР-да агроөнеркәсіптік кешен саласындағы несиелік ресурстардың қолжетімсіздігі мәселесін шешу ұсынылады.
"Шынында да, мәселе біресе көтеріледі, біресе жоғалады. 10 және 20 жыл бұрын Агробанк туралы сұрақ туындағаны есімде. Бірақ мұнда бәрі Агробанк құрудан не күтеміз деген сұраққа байланысты. Егер біз оның өте төмен мөшерлемелері болады деп күтсек және кепіл саясаты басқаша болады - бұл қате күтулер, өйткені банк нарықтық жағдайда нарықтық ортада әрекет етуі керек. Мемлекет оған жарғылық капитал берсе де, ол нарықта қорланатыны анық", - деп жауап берді Тимур Жақсылықов.
Ол банктің қорытынды мөлшерлемелері нарықтық мөлшерлемелере жақын болатынын атап өтті. Вице-министр жоғары мөлшерлемелері бар Қазақстанның мемлекеттік даму банкін мысалға келтірді. Банк бюджеттік несие берген жағдайларда ғана мөлшерлемені төмендетеді.
"Біз қаражатты араластырамыз және салық төлеушілердің қаражаты осы мақсаттарға жұмсалатындықтан, біз кейбір басым сегменттер үшін мөлшерлемені төмендетеміз. Бірақ біз мұны үлкен көлемде, бүкіл сала үшін Агробанк құру және оның жұмыс істеуі арқылы жасаймыз деп айту тәуекелдерді бір түйінге жинауды білдіреді және мұндай банктің ұзақ мерзімді тұрақтылығы туралы мәселе туғызады", – деді Тимур Жақсылықов.
Әріптесімен Ұлттық банктің қаржы ұйымдарын дамыту департаментінің басшысы Батырхан Иралимов келісті. Оның айтуынша, Ұлттық банк мұндай жекелеген салалық банкті құруды орынсыз деп санайды.
"Іс жүзінде бізде осындай банктер болды, тәжірибе жақсы болған жоқ. Барлық қолдау шараларын қолданыстағы даму институттары арқылы ағымдағы мемлекеттік бюджеттік бағдарламалар шеңберінде іске асыруға болады деп санаймыз. Агроөнеркәсіптік кешен саласы қауіпті болып табылады және барлық тәуекелдерді бір банкке шоғырландыру орынсыз", – деп есептейді Батырхан Иралимов.
