Маусым айында бағаны тұрақтандыру бойынша қабылданған шараларға қарамастан, көкөністер қымбаттады. Сондықтан ауыл шаруашылығы министрі Ербол Қарашөкеев себебін түсіндірді.
"Маусым айында өткен жылдың қорлары таусылып, жаңа өнімдер келеді. Ал ерте піскен көкөністер сәл қымбатырақ. Көкөністер оңтүстіктен және көршілес мемлекеттерден келеді", - деді Ербол Қарашөкеев үкімет аясында.
Бағаның өсуіне қандай да бір әсер ету үшін шаралардың бірі елдегі көкөніс қоймаларының санын көбейту болады.
Естеріңізге сала кетейік, өткен жылы 2021-2022 жылдарға қойылған 110% жоспары асыра орындалды. Ағымдағы жылы көкөніс қоймаларының санын ұлғайту бағытында жоспарлар қайта қаралатын болады. Министрдің айтуынша, көлемі 100 мың тоннадан асатын көкөніс қоймалары салынады.
"Қазір біз субсидиялау ережелеріне өзгерістер енгізіп жатырмыз – егер бұрын көкөніс қоймалары құрылысының 25% субсидияланған болса, қазір бұл көрсеткішті тоңазытқыш жабдығы болса, 40% - ға, ал реттелетін газ ортасы болса, 50% - ға дейін жеткіземіз. Ол жемістерді сақтау кезінде көбірек пайдаланылады", - деп толықтырды Ауыл шаруашылығы министрлігінің басшысы.
