Қазақстанда күнбағыс тұқымын өңдеу көрсеткіштері артты. Бұл осы дақылды әкетуге шектеулер енгізуге байланысты. Бірақ сонымен бірге күнбағыс бағасы ел ішінде төмендеді, өйткені Ресейден тұқымдар арзан бағамен әкелінді және қазақстандық күнбағыс іс жүзінде талап етілмеді. Осы себептерге байланысты Үкімет мүшелерімен кезекті кездесуде Мәжіліс депутаттары өсімдік шаруашылығының осы бағытын мемлекеттік реттеу және қолдау саясатын қайта қарауды ұсынды.
«Бізге қайта өңдеу маңызды, және біз, әрине, Қазақстанның күнбағыс есебінен көрші елдердің қайта өңдеу өнеркәсібін дамытқымыз келмейді. Бірақ қазір тұқым өндірушілер тиісті субсидияларды алмай, қайта өңдеушілер отандық фермерлерден емес, Ресейден арзан шикізат сатып алатын жағдай қалыптасты», — деді мәжілісмен Айдарбек Ходжаназаров.
Бұл мәселе қызу талқыланғандықтан, ауыл шаруашылығы министрі Ербол Қарашөкеев жұмыс тобын құруды ұсынды. Ол субсидиялау ережелеріне енгізілген өзгерістерді пысықтаумен айналысатын болады. Күнбағыс өндірушілері өндірістік циклге сәйкес тиісті мемлекеттік қолдауды алуы керек.
