Ауыл шаруашылығы министрлігі жұмыртқаны автокөлікпен әкелуге тыйым салды

Ауыл шаруашылығы министрі үшінші елдерден және Еуразиялық экономикалық одақ елдерінен автомобиль көлігімен Қазақстан аумағына тауық жұмыртқаларын әкелуге алты айға тыйым салу туралы бұйрыққа қол қойды. Бұл туралы Ауыл шаруашылығы министрлігінің баспасөз қызметі хабарлады.

Тыйым тауық жұмыртқасының транзитіне қатысты қолданылмайды.

"Көктемгі-жазғы кезеңде отандық тауар өндірушілерді қолдау мақсатында тағамдық жұмыртқа импортына уақытша тыйым салынды. Өздеріңіз білетіндей, осы кезеңде жұмыртқаға сұраныстың төмендеуі байқалады, нарықтың қажеттіліктері өнеркәсіптік өндіріс және нарықта үй шаруашылығы өнімдерінің белсенді болуы есебінен толығымен өтеледі. Бұл фактор құс фабрикаларының қызметіне теріс әсер етеді, жұмыртқа бағасы төмендейді. Бағаның өзіндік құннан төмен төмендеуі кәсіпорындардың рентабельділігіне теріс әсер етеді", - деп түсіндірді Ауыл шаруашылығы министрлігінде.

Сонымен қатар, жазғы кезеңде жұмыртқаны сақтау мерзімі қысқарады. Бұл ретте, технологиялық ерекшеліктерге байланысты жұмыртқа өндіру көлемі азаймайды, бұл қоймалардағы тауардың артық жиналуына әкеп соғады.

Уақытша тыйым салу туралы бұйрық 2024 жылғы 1 мамырда күшіне енеді.