АШМ жарты жылға ІҚМ және ҰҚМ аналық басын әкетуге тыйым салуды жоспарлап отыр

Қазақстанда жарты жылға ауыл шаруашылығы министрлігі ІҚМ және ҰҚМ басын әкетуге тыйым салуды жоспарлап отыр. Сондай-ақ, АШМ 6 айдан асқан қойларға және 12 айдан асқан бұқашықтарға қатысты сандық шектеулер енгізілетінін хабарлады. Мемлекеттік органдардың келісімінде осы әзірленген бұйрық жобалары бар.

Естеріңізге сала кетейік, бұған дейін де қолданыста болған осындай тыйымдар малдың барлық түрлері бойынша аналық мал санының өсуінде оң динамикаға қол жеткізуге көмектесті. Сондықтан бұл ұсынылған шаралар бірінші кезекте Қазақстанның мал шаруашылығы саласын дамыту үшін қажет. Айта кету керек, 2023 жылдың 1 қаңтарында ет өңдеу көлемі 176,7 мың тоннаға дейін өсті, ал бұл 7,7% - ға өсті, сондай-ақ ІҚМ саны 2,5% - ға өсті, бұл тиісінше елдің ішкі нарығының етпен қамтамасыз етілуіне оң әсерін тигізді.

Мал шаруашылығы саласын қолдауға соңғы 5 жылда 556 млрд теңге, ал оның 211 млрд теңгесі етті мал шаруашылығын дамытуға бөлінді.

Сондай-ақ, саланы субсидиялауда өзгерістер жоспарланғаны атап өтілді - етті мал шаруашылығында қолданыстағы 7 бағыттан 2 бағыт алынып тасталды:

• асыл тұқымды өндіруші бұқаны күтіп-бағуды субсидиялау, атап айтқанда бұқалар мен қошқарларды жалға беру жойылады;
• тұқымдық тегіне сәйкес келетін импортталған ІҚМ аналық басын сатып алуға субсидиялау жойылады.

Бұл екі норма жоғары сыбайлас жемқорлық тәуекелдері себебінен, сондай-ақ бір бағытқа 2 қолдау құралы келгендіктен алынып тасталды.

АШМ мал шаруашылығындағы қаржыландыру көлемі тұтастай алғанда асыл тұқымды істі мемлекеттік қолдау бойынша өзгеріссіз қалғанын айтты.