АШМ қауын дақылдарының жойылуымен бейнеге түсініктеме берді

Қазақстанда бақша дақылдары ел ішінде сұранысқа ие және экспортқа шығарылады. Қауындарды жою туралы әлеуметтік желілерде таратылған бейне дұрыс түсіндірілмеген: қоқыс полигонына тауарлық өнім емес, тұқым іріктелгеннен кейін қалған қалдықтар жіберіледі. Бұл туралы Ауыл шаруашылығы министрлігінің баспасөз қызметі хабарлады.

"Әлеуметтік желілерде Мақтаарал ауданының бақша алқаптарынан әуесқойлық бейне таратылуда, онда фермерлер жиналған өнімге сұраныстың төмен болуына байланысты тонна қауын лақтырып жатыр. Алайда, кадрлар Нұрлыжол ауылында түсірілгені анықталды, ал бейнедегі өнімдер келесі жылға тұқым алу үшін қалдырылған қауын қалдықтары болып табылады. Қазір ауыл шаруашылығы өндірушілері арасында түсіндіру жұмыстары жүргізілуде", - деп түсіндірді Ауыл шаруашылығы министрлігі.

Ведомствоның мәліметінше, биыл Түркістан облысында 71,3 мың га бақша егілді. Бүгінгі таңда өңірде 176 мың тонна қарбыз және 405 мың тонна қауын жиналды.

Облыста бақша дақылдарының өнімі жыл сайын қазақстандық нарықтың қажеттілігінен 3,5 есе артық, сондықтан артық өнім шетелге экспортталады. Негізгі сатып алушылар Ресей, Беларуссия және Латвия болып табылады. Түркістан облысында қауындар мақтадан кейінгі екінші экспортқа бағдарланған тауар болып табылады.