Түркістан облысы мақта мен ет өндірісінде айтарлықтай нәтижелерге қол жеткізді. ОКҚ-де өткен брифингте өңір әкімі Дархан Сатыбалды осы салаларды одан әрі дамыту жоспарлары туралы айтып берді.
"Түркістан облысы ет экспорты бойынша көшбасшы болып табылады. Экспорт үлесінде ірі қара мал етінің 80%-ы және қой етінің 75%-ы біздің өңірге тиесілі. Біз Австралияның тәжірибесін пайдалана отырып, ет кластерін дамытуды жоспарлап отырмыз. Бес жобаны іске асыру көзделуде: қазіргі заманғы мал шаруашылығы биржасын, бордақылау кешенін салу, ет өнімдерін тереңдету және қайта өңдеу бойынша. Жобаларға 55 млрд теңге инвестицияланды, 600 жұмыс орны құрылды. Жобаларды іске асыру 35 мың тонна өнім өндіруге мүмкіндік береді", - деді Дархан Сатыбалды.
Сондай-ақ, ол Түркістан облысы республикадағы мақта өсіретін жалғыз өңір екенін атап өтті. Биыл мақта 106 мың гектар жерге егілді. Аймақта басым шикізатты өсірудің дәстүрлі әдісі жоғары сапаны алуға мүмкіндік бермейді. Сондықтан облыста элиталық сұрыптарды өсіруді және заманауи су үнемдеу технологияларын пайдалана отырып шикізатты терең өңдеуді көздейтін мақта-тоқыма кластері құрылуда. Мақта өнімділігін үш есе, 70 ц/га дейін арттыру жоспарлануда.
Түркістанда құны 147 млрд теңгені құрайтын ірі мақта өңдеу зауытының құрылысы басталды. Кәсіпорынның жылдық қуаты 13 мың тонна иірілген жіп, 50 млн метр үй тоқымасы, 7 млн бірлік төсек-орын болады. Зауытта 4 мыңнан астам жұмыс орны құрылады.
Мақта кластерінде барлығы 226 млрд теңге сомасына тоғыз жобаны іске асыру жоспарлануда. Толық іске қосылған кезде 40 мыңнан астам жұмыс орны құрылады. Бюджетке миллиардтаған салықтар түсе бастайды.
Сонымен қатар, Түркістан облысында құны 36 млрд теңге болатын "Крахмал-сірне" жүгеріні терең өңдеу зауыты салынуда. Толық іске қосылған кезде кәсіпорын жылына 150 мың тонна жүгері өңдейтін болады.
