Қазақстанда 15,8 млн тонна астық сақталуда

Қазақстандағы астық қоры 1 қаңтарда 15 млн 775 мың 983 тоннаны құрады. Өткен айда қорлар 1,2 млн тоннаға қысқарды (2022 жылғы 1 желтоқсандағы жағдай бойынша олар 16,9 млн тоннаны құрады).

Ұлттық статистика бюросының мәліметінше, Қазақстанның қоймаларында жыл басына қарай 12,6 млн тонна азық-түлік астығы, 1,5 млн тонна тұқым және 1,6 млн жемдік астық қалған.

Бидай қоры 13 млн тоннаны құрайды, оның ішінде 11,3 млн – азық-түлік, 1,2 млн – тұқым, 451,8 мың- жем.

Арпа қоры 1,8 млн тонна, жүгері - 176 мың тонна, күріш – 262,7 мың тонна, сұлы – 163,7 мың тонна, қарақұмық-61,3 мың тонна көлемінде бағаланады.

Жалпы көлемнің 5,5 млн тоннасы ауыл шаруашылығы өндірушілерінде, 2,9 млн тоннасы жеке кәсіпкерлер мен фермерлік шаруашылықтарда сақталады. Ұн тартушыларда – 1,2 млн тонна, элеваторларда-4,3 млн тонна. Көтерме саудагерлердің қоймаларында тағы 406,5 миллион тонна және басқа заңды тұлғаларда 1,3 миллион тонна болды.