Бүгінгі таңда Қазақстанда gosagro.kz субсидиялаудың бірыңғай мемлекеттік ақпараттық жүйесі (СБМАЖ) арқылы 63 млн теңгеден астам сомаға инвестициялық субсидиялар алуға өтінімдер мақұлданды. Бұл туралы Ауыл шаруашылығы министрлігінің баспасөз қызметі хабарлады.
Бұған дейін Қостанай облысының ауыл шаруашылығы өндірушілеріне жалпы сомасы 12 млн теңгеден астам алғашқы субсидиялар жіберілген болатын. Енді 51,5 млн теңгеге тағы алты өтінім Ақмола облысының фермерлеріне мақұлданды. Өтінімдер олардың СБМАЖ-ға тіркелу кезектілігі тәртібімен қаралды.
Ауыл шаруашылығы министрлігінің ақпараты бойынша, жүйеде бюджеттің болуына қарамастан реттік нөмір бере отырып, мақұлданған өтінімдер келіп түсетін "күту парағы" тетігі іске асырылды. Осылайша, бюджет фермердің қосымша әрекетінсіз "күту парағындағы" өтінімдер бойынша ғана бөлінеді. Бұл тәсіл қаражатты бөлудің ашықтығын қамтамасыз етеді және субсидияларды төлеу кезінде адами факторды болдырмайды.
Бұл ретте "Күту парағы" жүйенің кез келген пайдаланушыларына, тіпті тіркеусіз де қарау үшін ашық.
Қазіргі уақытта портал жұмысының тетіктерін түсіндіру жұмыстары жалғасуда. Фермерлер нақты уақыт режимінде әзірлеушілермен кеңесу арқылы өтініш бере алады.
Барлық сұрақтар бойынша колл-орталыққа телефон нөмірі бойынша: +7 (7172) 67-71-17 немесе электрондық поштаға: gosagro@minagri.gov.kz, сондай-ақ жеделхаттар арқылы: https://t.me/gosagrokz хабарласуға болады.
