Тауарлар
Қызметтер
Тасымалдау қызметі
Ағымдағы жылы Аграрлық несие корпорациясына дала жұмыстарын қаржыландыруға 140 млрд теңге көлемінде бюджеттік несие бөлінді. Фермерлер бұл қаражатты елдің қаржы институттары арқылы жылдық 5% мөлшерлемемен ала алады. Бұл туралы бүгін ОКҚ брифингінде АНК Басқарма төрағасының орынбасары Марлен Нәбиев мәлімдеді.
"Ауыл шаруашылығы өндірушілеріне несие беру несиелік серіктестіктер арқылы - 62,2 млрд теңге, екінші деңгейдегі банктер арқылы - 71 млрд теңге, МҚҰ арқылы - 6,8 млрд теңге жүзеге асырылады. Қаржы институттары үшін сыйақы мөлшерлемесі 1,5% құрайды. Қаржы институтының маржасын ескере отырып, соңғы қарыз алушы үшін мөлшерлеме 5% құрайды. Соңғы қарыз алушылар үшін қарыз мерзімі 2024 жылдың 1 наурызына дейін", - деді Марлен Набиев.
Ол қаржыландыру желтоқсан айында басталғанын атап өтті. Биылғы жылы АНК үшін бюджеттік несие ұзақ мерзімге берілді, сондықтан фермерлер үшін өтеу мерзімі де ұзартылды. Бұл оларға өнімді жақсы бағамен сатуға мүмкіндік береді.
Ағымдағы жылы барлығы кемінде 3,2 мың ауыл шаруашылығы өндірушісі, оның ішінде 320 жаңа өндіруші қаржыландырылады деп болжануда. Ауыл шаруашылығы жерлерін қамту кемінде 2 млн га құрайды.
"Қазіргі уақытта 141 млрд теңге сомасына 3 881 ауыл шаруашылығы өндірушілерінен өтінімдер пұлы бар. Оның ішінде 30 млрд 600 млн теңгеге 847 ауыл шаруашылығы өндірушісі қаржыландырылып, 72,1 млрд теңгеге 1298 өндіруші қаржыландыруға мақұлданды", - деп нақтылады Марлен Нәбиев.
