Ауыл шаруашылығы министрлігі 2024 жылғы егіс науқанын ерте қаржыландыруды қамтамасыз ету үшін Аграрлық несие корпорациясына 35 млрд теңге көлемінде екінші траншты аударды. Бюджеттік несие шеңберінде 15 млрд теңге көлеміндегі алғашқы траншты АНК қаңтар айында жіберді. Бұл туралы Ауыл шаруашылығы министрлігінің баспасөз қызметі хабарлады.
АНК "Кен дала" бағдарламасының операторы болып табылады. Ағымдағы жылы егіс және егін жинау жұмыстарын жеңілдетілген несиелеуге барлығы 140 млрд теңге бағытталады.
Ерте қаржыландыру сапалы жұмыс жүргізу үшін, оның ішінде топырақты дайындау және ауыл шаруашылығы техникасына қызмет көрсету үшін, қажетті материалдарды: тұқымдарды, тыңайтқыштарды сатып алу үшін қажет.
"Кен дала" несиелеу бағдарламасы теңгемен жылдық 5% - дан аспайтын мөлшерлемемен түпкілікті қарыз алушы үшін қарыздарды көздейді.
Бүгінгі таңда өңірлердегі фермерлерден келіп түскен өтінімдердің жалпы пулы жалпы сомасы 62,6 млрд теңгеге 1,8 мыңды құрайды. 12,4 млрд теңге сомасына 294 өтінім төленді, қалған 50,2 млрд теңге сомасына 1483 өтінім Аграрлық несие корпорациясында қаралуда.
