Алматыда ғылыми-өндірістік тұқым өсіру консорциумы құрылды

ҰАҒБО трансформациясы аясында Алматыда "Оңтүстік" ғылыми-өндірістік селекциялық-тұқым өсіру консорциумы құрылды. Оның құрамына Қазақстанның оңтүстік өңірлерінде орналасқан ҰАҒБО еншілес ұйымдары кірді. Бұл туралы ҚР Ауыл шаруашылығы министрлігінің баспасөз қызметі хабарлады.

"Оңтүстік" консорциумына 12 еншілес ұйым кірді. Ғалымдар атап өткендей, қазір ғылыми ұйымдар көбінесе бірдей мәселелерді шешумен, технологияларды дамытумен айналысады, сонымен бірге бір-бірімен өзара мүлдем әрекеттеспейді. Ұйымдар бір климаттық аймақта жұмыс істейтіндіктен, күш-жігерді біріктіру селекция мен тұқым шаруашылығын тиімдірек дамытуға көмектеседі.

Ауыл шаруашылығы тәжірибелік Мақта және бақша ауыл шаруашылығы тәжірибелік станциясы басқарма төрағасы Нұрман Мамытұлының айтуынша ғалымдар, селекционерлер мен тұқым өсірушілер ғылыми тұрғыда жақындаса түсіп, жаңа технологиялар мен сұрыптарды жедел енгізудің арқасында еліміздің ауыл шаруашылығына дамуға жаңа серпін берілуі мүмкін.

"Біз бір-бірімізбен тығыз жұмыс істейтін боламыз. Өзара тиімді ынтымақтастыққа үміттенемін. Үздік нәтижелерге қол жеткізу үшін бар күшімізді саламыз", – деп атап өтті Нұрман Мамытұлы.

Жаңа сұрыптар мен технологияларды сынау және енгізу үшін демонстрациялық полигондар құру фермерлерге жаңа тұқымдардың әлеуетін жақсырақ түсінуге және элиталық тұқым өндірісін арттыруға мүмкіндік береді. 2030 жылға қарай егіс алқаптарында отандық тұқымдар мен сұрыптарды қолдану үлесін 80% - ға дейін ұлғайту импорттық шешімдерге тәуелділікті азайтуға ықпал ететін болады.