АӨК-да Мемлекеттік инспекция комитетінің төрағасы тағайындалды

Ауыл шаруашылығы министрінің бұйрығымен Дархан Әбдікәрімов Агроөнеркәсіптік кешендегі мемлекеттік инспекция комитетінің төрағасы болып тағайындалды. Бұл туралы АШМ баспасөз қызметі хабарлады.

Әбдікәрімов 1969 жылы туған. Қостанай ауыл шаруашылығы институтын "Агрономия" мамандығы бойынша және М. Дулатов атындағы Қостанай инженерлік-экономикалық университетін "Экономика" мамандығы бойынша бітірген.

Еңбек жолын 1986 жылы Қостанай облысы Науырзым ауданы совхозының жұмысшысы болып бастаған.

2000-2005 жылдары ҚР АШМ Қостанай облысы Науырзым аудандық аумақтық басқармасының жетекші маман-фитосанитариялық инспекторы болып жұмыс істеді,

2005 жылы - Қостанай облысы Науырзым ауданы әкімі аппаратының ауыл шаруашылығы және жер қатынастары бөлімінің бастығы.

2006-2010 жылдары - АӨК мемлекеттік инспекция комитетінің Республикалық фитосанитариялық диагностика және болжамдар әдістемелік орталығының Науырзым аудандық филиалының директоры.

2010-2014 жылдары АӨК мемлекеттік инспекция комитетінің Қостанай облыстық аумақтық инспекциясының өсімдіктерді қорғау мемлекеттік инспекциясы бөлімінің басшысы болып жұмыс істеді.

2014-2017 жылдары - ҚР АШМ Агроөнеркәсіптік кешендегі мемлекеттік инспекция комитетінің Қостанай облыстық аумақтық инспекциясы басшысының орынбасары.

2017-2018 жылдары - Қостанай облысы әкімдігінің ауыл шаруашылығы басқармасының басшысы.

2021-2024 жылдары - АӨК-дегі мемлекеттік инспекция комитетінің Қостанай облыстық аумақтық инспекциясының басшысы.

Тағайындалғанға дейін ҚР АШМ Агроөнеркәсіптік кешеніндегі мемлекеттік инспекция комитеті төрағасының орынбасары қызметін атқарды.