Ветеринариялық бақылау комитетінің төрағасы тағайындалды

Ветеринариялық бақылау және қадағалау комитетінің төрағасы болып Қазбек Тәшімов тағайындалды. Бұл туралы Ауыл шаруашылығы министрлігінің баспасөз қызметі хабарлады.

Тағайындалғанға дейін Қазбек Тәшімов осы Комитет төрағасының орынбасары қызметін атқарды.

Тәшімов 1980 жылы Батыс Қазақстан облысында дүниеге келген. 2001 жылы Батыс Қазақстан мемлекеттік университетін "Ветеринариялық санитария" мамандығы бойынша бітірген. 2005 жылы сол университетте "Құқықтану" мамандығы бойынша екінші жоғары білім алды.

Еңбек жолын 2002 жылы ҚР АШМ Тасқала аудандық аумақтық басқармасының жетекші маманы болып бастаған. 2005-2011 жылдар аралығында БҚО Тасқала ауданы әкімінің аппаратында түрлі қызметтер атқарды.

2011 жылдан бастап БҚО ауыл шаруашылығы басқармасының ветеринария бөлімін басқарды, 2015 жылы БҚО ветеринария басқармасының басшысы болып тағайындалды.

2017 жылдан 2021 жылға дейін Қазбек Тәшімов БҚО ветеринария басқармасы басшысының орынбасары қызметін атқарды.

2021-2024 жылдары Маңғыстау облысының ауыл шаруашылығы басқармасын басқарды.