Депутаттар бидайды сатып алуды кейінге қалдырмауға шақырады

Мәжілістегі "Ауыл" фракциясының депутаттары үкіметтен Азық-түлік корпорациясы 18 қарашада жариялаған фермерлерден бидайды тікелей сатып алуға жедел ақша бөлуді сұрайды. Бұл астық нарығындағы шиеленісті жеңілдетуге және ең бастысы көптеген шағын шаруашылықтарға қаржылық қолдау көрсетуге мүмкіндік береді.

Депутат Аян Зейнуллин премьер-министрге сауал жолдай отырып, үкімет резервтен нарықтық құны бойынша 155 мың тонна астықты тікелей сатып алуға 10 млрд теңге бөлгенін еске салды. Бұл ретте осы мақсаттарға қосымша 75 млрд теңге бағыттау жоспарлары туралы мәлімделді.

"Ауыл" партиясының депутаттары қысқа мерзімде отандық фермерлерден нарықтық құны бойынша 155 мың тонна астық сатып алуға 10 млрд теңге бөлуге жәрдем көрсетуді және 1 млн тонна бидай сатып алуға 75 млрд теңге сомасына қаражат бөлуді кейінге қалдырмауды сұрайды. Бұл мәселенің жедел шешілуіне үміттенеміз", - деді Аян Зейнуллин.

Ол сондай-ақ, партия көбірек фермерлік шаруашылықтарды мемлекеттік қолдау қажеттілігін қанағаттандыру үшін астықты, ең алдымен, шағын шаруа қожалықтарынан сатып алу туралы шешімді қолдайтынын атап өтті.