Солтүстік Қазақстан облысының прокурорлары ауыл шаруашылығы өндірушісінің өтініші бойынша 2 млрд теңгеден астам сомаға субсидия төлемдерін заңсыз тоқтата тұрғанын анықтады. Бұл туралы облыс прокуратурасының баспасөз қызметі хабарлады.
"Субсидиялар төлеуді тоқтата тұруға негіз болған мемлекеттік органдардың шешімдері прокурорлық қадағалау актілері бойынша жойылды. Лауазымды тұлғалар жауапкершілікке тартылды, кәсіпкердің құқықтары 948 млн теңгеге субсидия төлеу арқылы қалпына келтірілді", - деп хабарлады қадағалау ведомствосы.
Қалған соманы төлеу бойынша жұмыс жалғасуда, деп нақтылады баспасөз қызметі.
