СҚО Айыртау ауданында, Антоновка ауылында "Борисфен" ЖШС жаңа сүт фермасы іске қосылды. Жобаға шамамен 1 млрд теңге инвестицияланды. Бұл туралы Солтүстік Қазақстан облысының әкімі Айдарбек Сапаров мәлімдеді.
"Ферма тәулігіне 5 мың литр сүт өндіреді. Жаңа жұмыс орындары ашылды", - деп жазды облыс әкімі Facebook-те.
Жобаны іске асыруға "Солтүстік" ӘКК жеңілдікпен несие берді.
Айдарбек Сапаровтың мәліметінше, биыл өңірде 13 сүт фермасының құрылысы басталады. Жыл соңына дейін 8 кешенді пайдалануға беру жоспарлануда.
Жалпы облыс бойынша аграрлық салада биыл 38 инвестициялық жоба іске асырылатын болады: май экстракция зауыты, сүт фермалары, бройлер құс фабрикасы, қой фермалары және жылыжай кешендері. Мыңнан астам жаңа жұмыс орны ашылады.
