Алматы облысында жаңа ет комбинаты іске қосылады

Алматы облысында "Кеген Мяспром" ет комбинатында іске қосу-жөндеу жұмыстары аяқталуда. Кәсіпорын толық қуатына шыққаннан кейін жылына 3 мың тоннаға дейін ірі қара, ұсақ мал мен жылқы етін өңдей алады. Бұл туралы ҚР Ауыл шаруашылығы министрлігінің баспасөз қызметі хабарлады.

"Кеген Мяспром" өндірісінің қуаттылығы 331,5 тонна шұжық пен 66 тонна ет консервілерін құрайды. Мұндай көлем жергілікті нарықтың қажеттіліктерін қанағаттандырып қана қоймай, Қазақстанның басқа өңірлеріне өнім экспорттауға мүмкіндік туғызады, деп атап өтті Ауыл шаруашылығы министрлігінде.

Ашылуға дайындалып жатқан бұл кәсіпорынға ауыл шаруашылығы вице-министрі Аманғали Бердалин келді. Сонымен қатар, өңірге сапар барысында ол "ҚазМясо" ЖШС қызметімен танысты. Шаруашылықта 3 мың бас ангус тұқымды ІҚМ бар. Мұнда өндірістің толық циклі - өзінің азық-түлік базасынан дайын өнімнің буып-түю желілеріне дейін - салқындатылған мәрмәр сиыр етіне дейін жолға қойылған. Компания шетелдік кеңесшілерді жұмысқа тарта отырып, ірі қара малды өсіру, бордақылау және союдың австралиялық технологиясын қолданады.